Uber-iň baş direktory Dara Hosrowşahi Tesla robotaksi ulgamynda hyzmatdaşlyk etmegi teklip edýär. Ol Ilon Maskyň kompaniýasynyň girdejisini artdyryp biljekdigine ynanýar, sebäbi Uber platformasyny ulanmak has köp müşderi jemlemäge mümkinçilik berer diýip, Business Insider habar berýär.
"Stratechery" portaly bilen geçirilen söhbetdeşlikde Hosrowşahi Teslanyň "adatdan daşary mümkinçiliklerine" garamazdan, ykdysadyýetiň kanunlarynyň hemmeler üçin deň derejede ulanylýandygyny aýtdy. Mümkin bolan hyzmatdaşlygy dürli eltip beriş hyzmatlary bilen işleşýän restoran işi bilen deňeşdirdi.
Hosrowşahi özüniň "özüne çekiji we ykdysady subutnamalary bilen" Masky hyzmatdaşlygyň bähbitlidigine ynandyrar diýip umyt edýär.
Uber eýýäm Waymo we Wayve bilen hyzmatdaşlyk edýär. Hosrowşahi ozal sürüjisiz awtoulag bazaryny “bir ýeňijili oýun” hasaplamaýandygyny we onuň bäsdeşlik ruhuna ynanýandygyny aýdypdy.
Şeýle-de bolsa, Tesla düzgünleşdiriji kynçylyklar bilen ýüzbe-ýüz bolýar. Karnegi-Mellon uniwersitetiniň professory Fil Kupman rulsuz awtoulag satmak üçin federal hökümetiň tassyknamasyny almagyň kyn iş boljakdygyny aýtdy. Mundan başga-da, Tesla robotaksi ulgamyny giňeltmek üçin her ştat derejesinde aýratynlykda rugsat almaly bolar.
Mask Teslanyň doly awtonom awtoulaglarynyň 2026-njy ýyla çenli peýda bolmagyna garaşýar, ýöne möhletiniň düzgünleşdirijiler bilen bagly faktorlara baglydygyny boýun alýar.
