1997-nji ýyldaky “Titanik” filminiň baş gahrymanlarynyň biri Rozanyň keşbini ýerine ýetiren we “Daglar ýatyr aramyzda” (Между нами горы), “Üýtgeşme ýoly” (Дорога перемен) hem “Isstaunly Meýr” (Мейр из Исттауна) ýaly filmlerdäky rollary bilen tanalýan Keýt Uinslet ilkinji gezek režissýorlyk kürsüsini eýelär. Aktrisa “Netflix” üçin “Hoş gal, Jun” (Goodbye June) maşgala dramasyny surata düşürmegi meýilleşdirýär diýip, Variety habar berýär.
“Hoş gal, Jun” filminiň ssenarisini Uinsletiň ogly Jo Anders ýazdy. Ol düşünişmezligiň höküm sürýän iňlis maşgalasy we onuň agzalarynyň “garaşylmadyk hem kyn ýagdaýlar sebäpli birleşmegi” barada gürrüň berýär. Film hem gynançly, hem gülküli waka hökmünde häsiýetlendirilýär.
Režissýorlykdan we prodýuserlikden başga-da, Uinslet filmde baş keşbi ýerine ýetirer. Şeýle-de, filme Toni Kollett, Jonni Flinn, Andrea Raýzboro, Timoti Spoll we Helen Mirren gatnaşar.
Film şu ýylyň ahyrynda Beýik Britaniýada surata düşürilip başlanar. Onuň çykjak senesi heniz belli däl.
