19-njy dekabrda Amazon Prime TV-de başlanan Beast Games şouwy Ginnesiň rekordlar kitabyndan 44 şahadatnama aldy. Taslama MrBeast hökmünde tanalýan YouTube blogeri Jimmi Donaldson tarapyndan döredildi.
Beast Games realiti-şoularyň taryhynda iň gymmady we iň göwrümlisi boldy.
Programma 1 000 adam gatnaşdy, baş baýrak bolsa 5 mln dollar boldy – bu üstünlikleriň hemmesi däl. 44 rekorddan ybarat sanawda şular hem bar: realiti-şou üçin goýlan iň köp pul ($100 mln), iň uly baýrak gaznasy ($10 mln), realiti-şouwyň bir möwsüminde iň köp gatnaşyjy (2 000 adam), realiti-şouwda ret edilen iň uly pul mukdary ($1 mln). Şeýle-de, surata düşüriş meýdançasynda bir wagtyň özünde ulanylan kameralaryň (1 107) we mikrofonlaryň (1 000) sany boýunça rekord goýuldy.
Mundan başga-da, bir surata düşüriş meýdançasynda ulanylan lýuklaryň (1 000) we olara bir wagtyň özünde gaçan adamlaryň sany (83 adam) boýunça-da goýlan geň rekordlar bar.
Rekordlaryň doly sanawy Ginnesiň rekordlar kitabynyň saýtynda ýerleşdirildi.
Şou Las-Wegasda (ABŞ) we Torontoda (Kanada) surata düşürildi. Ilkinji 25 günde oňa 50 milliondan gowrak adam tomaşa etdi, bu hem Beast Games-i 2025-nji ýylda Amazon-yň Fallout serialyndan soň ikinji iň meşhur şouwyna öwürdi.
