“TMBIZ” platformasy Türkmenistandaky ilkinji gysga wideo akym hyzmatly sanly platformadyr. Platformanyň düşnükli we sada şekilde işlenilip düzülendiginiň hasabyna, gyzyklanma bildirýän islendik ýaşdaky ulanyjy ondan aňsatlyk bilen peýdalanyp biler.
TMBIZ resmi web sahypasynyň synag tapgyry ulanyjylara hödürlenýär. Bu täze mümkinçilik işewürlik dünýäsi bilen müşderileriň arasynda ygtybarly we çalt aragatnaşygy üpjün eder. Täze önümler, hyzmatlar we ýörite teklipler we arzanladyşlar TMBIZ bilen elýeterli!
Ulanyjylar platformada gerekli bolan ähli haryt we hyzmatlaryny täsirli wideolar arkaly aňsatlyk bilen tapyp bilerler. Şeýle hem sahypada resmi hasap açyp platformanyň mazmunlary bilen ýakyndan tanşyp we olary paýlaşyp bolýar.
Platformanyň täsirli aýratynlyklarynyň biri “Top ulanyjylar” we “Top wideolar” bäsleşikleri. Bu aýratynlyklar arkaly iň meşhur wideolar we işjeň ulanyjylar, halanma, paýlaşma, görülme we ýüklenme gazanyp bäsleşiklerde ýokary orunlary eýeläp bilerler.
Häzirki wagtda TMBIZ web sahypasy açyk synag tapgyrynda öz işine başlady, şonuň üçin hem ol öz ulanyjylaryna yzygiderli dürli täzelenmeleri hödürläp durar. Bu bolsa ulanyjylara platformany synap görmäge, pikirlerini we tekliplerini paýlaşmaga mümkinçilik berýär.
tmbiz.info web saýtyna girip, “Habarlaşmak” bölümi arkaly islendik adam pikirlerini paýlaşyp biler.
Resmi websaýt: https://tmbiz.info
