ABŞ-da üýtgeşik kosmetika önümi – ýeralma frisiniň tagamynda dodak boýagy çykaryldy. Ol Aýdaho ştatynyň Ýeralma ösdürmek boýunça komissiýasy tarapyndan döredildi we “Fransiýanyň posasy” romantiki adyna eýe boldy.
Önümiň çykarylmagy Walentin gününe bagyşlandy.
Dodak boýagy hiç hili reňk bermeýär, ol dodak balzamy bolup, diňe bir dodagyňy nemlendirmek we iýmitlendirmek üçin däl-de, eýsem “gowy görýän naharyň tagamy bilen romantiki pursatlaryň arasynda emosional baglanyşygy” döretmek üçin niýetlenýär. Şonuň üçin öndürijiler, esasan, tagam duýgularyna üns berdi.
Ýeralma frisiniň tagamynda dodag boýagyny döretmek pikiri adamlaryň arasynda geçirilen pikir soraşmanyň esasynda ýüze çykdy. ABŞ-dan sorag edilenleriň 92%-i bu naharyň ysyny we tagamyny özüne çekiji hasaplady. Önümi taýýarlaýjylar onuň “açlyk bilen islegiň arasyndaky boşlugy azaltmaga” kömek etjekdigine ynanýar.
Dodak boýagy mugt ýaýradylýar, ulanyjylara diňe eltip bermek hyzmaty üçin tölemek soralýar.
