Dubaýda Dubai Loop ýerasty ulag ulgamy peýda bolar. Dubaýyň Ýol we ulag edarasy (RTA) Ilon Maskyň The Boring Company kompaniýasy bilen şertnama baglaşdy. Taslama şäheriň aşa hereketli ýerlerini birleşdirjek 17 km tunneliň gurulmagyny göz öňünde tutýar.
Birinji tapgyrda 11 stansiýa gurmak meýilleşdirilýär. Ýolagçylar 160 km/sag çenli tizlik bilen elektromobillerde tunneller arkaly gatnadylar. Meýilnama görä, ulgam sagatda 20 000 ýolagça hyzmat edip biler, geljekde bolsa hyzmat ediş mümkinçiligini 100 000-e ýetirmek meýilleşdirilýär.
Taslama Las-Wegasdaky Vegas Loop-y ýada salýar, bu ýerde şeýle ulgam 2021-nji ýyldan bäri hereket edýär. Konsepsiýa Mask tarapyndan 10 ýyldan gowrak wagt ozal teklip edilen Hyperloop ideýasyna esaslanýar.
Dubai Loop taslamasynyň durmuşa geçiriljek möhleti heniz yglan edilmedi, ýöne taslama ýollardaky dyknyşyklary azaltmaga we şäherdäki hereketi gowulandyrmaga kömek etmeli.
