Saud Arabystanynyň NEOM sebitiniň Ösüş agentliginiň baş müdiriniň orunbasary Raýan Faýez Gyzyl deňziň kenarýakasynda guruljak «The Line» atly täsin gökdiräniň gurluşygy üçin, eýýämden 50 milliard dollardan gowrak serişdäniň harçlanandygyny mälim etdi diýip, «Dezeen» neşiri habar berýär.
Bu serişdeler esasy infrastruktura, şol sanda gazuw işleri we sütünleri ýerleşdirmek üçin ulanylypdyr. Faýeziň aýtmagyna görä, «The Line» taslamasynyň ilkinji gatlarynyň gurluşygyna 2025-nji ýylyň ahyrynda başlanar. Uly çykdajylara garamazdan, häkimiýetler bu maýa goýumyň syýahatçylyk arkaly öweziniň dolunjakdygyna ynanýarlar.
Bütindünýä Syýahatçylyk we syýahat geňeşiniň çaklamasyna görä, 2032-nji ýyla çenli taslamanyň bir bölegi ulanylmaga berilýänçä, Pekin ýa-da Pariž ýaly dünýäniň iri şäherlerinde syýahatçylykdan düşýän ýyllyk girdejiler 49-77 milliard dollara ýeter.
«The Line» taslamasy – Saud Arabystanynyň dünýäniň ähli künjeklerinden syýahatçylary özüne çekjek täsirli şäheri döretmek maksadynyň bir bölegidir diýip, Faýez belleýär.
