14-nji fewralda “Weli. Aleksandr Puşkiniň hekaýaty” (Пророк. История Александра Пушкина) filmi prokata çykdy. XIX asyryň russiýaly şahyrynyň keşbini “Oskar” baýragyna dalaşgär Ýuriý Borisow ýerine ýetirdi.
Film durmuş synaglary: sürgünler, pulsuzlyk we duel bilen ýüzbe-ýüz bolýan ýaş, göçgünli we köpçülik tarapyndan gowy görülýän Puşkini görkezýär.
Filmde rus edebiýatynyň nusgawy şahyrlarynyň biriniň esasy durmuş pursatlary – Sarskoselo okuwynda okan döwri, döredijilik ösüşi, onuň geljekki aýaly Natalýa Gonçarowa bilen tanyşlygy we Žorž Dantes bilen pajygaly dueli görkezilýär. Filmde aýdym-saz sahnalary hem bar. Filmiň režissýory Feliks Umarow filmiň Demýen Şazelliň “La-La Lendinden” ylham alandygyny aýtdy.
Taslama üçin ssenariýäni Wasiliý Zorkiý we Andreý Kurganow ýazdy.
Filmiň yzysüre, 17-20-nji fewralda “Perwyý kanalda” Puşkin barada ýene bir taslama – “Natali we Aleksandr” telewizion serialy çykar. Onda sýužet, esasan, şahyryň Gonçarowa bilen söýgi hekaýasyna ünsi jemlär. Serialda Puşkiniň keşbini Aleksandr Zarýadin, aýalyny bolsa Kseniýa Treýster janlandyrdy.
Serial režissýor Wladimir Bitokowyň gatnaşmagynda Wladimir Şegolkow tarapyndan düşürildi.
Serialy döredijiler RG.ru neşiri bilen söhbetdeşlikde Puşkini “bürünç” ýadygärlik hökmünde däl-de, eýsem her bir tomaşaça ýakyn, hyjuwy we gam-gussasy bolan janly adam hökmünde görkezmäge synanyşandygyny aýtdy.
