Ýagşygeldi Kakaýew adyndaky Halkara nebit we gaz uniwersitetiniň Balkanabat bölüminiň nebit senagaty fakultetiniň 4-nji ýyl talyby Hallynyýaz Babaýew «GDA-nyň iň gowy talyby — 2024» atly halkara bäsleşiginde iň ýokary netije gazandy. Netijede, ol «GDA-nyň iň gowy talyby — 2024» diýen ada mynasyp bolmagy başardy. Bu barada "Türkmenistan" gazetinde habar berilýär.
Bäsleşik ýakynda Gazagystan Respublikasynyň Bilim ministrliginiň hem-de «Bilim orkenieti» milli innowasiýa-barlag merkeziniň bilelikde guramagynda geçirildi. Emin agzalary Hallynyýazyň Arkalaşygyň çäginde ylym-bilimiň, sungatyň, sportuň ösmegine goşan goşandyna ýokary baha berildi.
H.Babaýewe «Bilim orkenieti» milli innowasiýa-barlag merkezi tarapyndan I derejeli diplom, «GDA-nyň iň gowy talyby» atly heýkeljik hem-de döşe dakylýan nyşan, GDA döwletleriniň talyplary bilen aragatnaşyk saklamakda we ýaşlar syýasatyny ösdürmekde goşýan goşandy üçin degişli şahadatnama gowşuryldy.
