Türkmen samboçylary Belarusda geçen halkara ýaryşda 13 medal aldylar

  • 15.02.2025 08:42
  • 7.4k+

Türkmen samboçylary Minskde geçirilen Belarus Respublikasynyň Prezidentiniň baýragy ugrundaky XXIX halkara ýaryşynda 13 medal gazandylar. Olaryň hasabynda - 1 altyn, 4 kümüş we 8 bürünç medal bar.

Bäsleşige 9 döwletden - Belarusdan, Ermenistandan, Bolgariýadan, Germaniýadan, Gyrgyzystandan, Russiýadan, Täjigistandan, Türkmenistandan we Özbegistandan 200-den gowrak türgen gatnaşdy. Olar iki günüň dowamynda – erkekleriň we zenanlaryň sport sambosynda ýedi, erkekleriň söweş sambosynda-da ýedi medal ugrunda bäsleşdiler.
Ýaryşyň ilkinji gününde türkmen samboçylary alty medal: 2 kümüş we 4 bürünç, soňky gün bolsa ýene ýedi medal (1 altyn, 2 kümüş we 4 bürünç) gazandylar.
Hormat münberiniň iň ýokary basgançagyna 71 kilograma çenli agram toparynda söweş sambosy boýunça ýaryşda ýeňiji bolan Kadyrjan Gafurow çykdy.
Geçen ýylky ýaryşda altyn medal gazanan Agasapar Muhadow (agramy 79 kg çenli) we Suhan Öwezgeldiýew (98 kg çenli), şeýle hem Ahmet Taňryberdiýew (58 kg çenli) we Kerim Kerimow (71 kg çenli) söweş sambosynda kümüş medal gazandylar.
Bürünç medallara zenanlar sport sambosynda Aziza Nazarowa we Aminat Guwanowa (ikisem 50 kilograma çenli agram toparynda), Zarina Abdyrahmanowa (54 kilograma çenli), Merjen Joraýewa (59 kg çenli), erkekler sport sambosynda bolsa Bagtyýar Bahramow (79 kg çenli), Isa Arslanow (79 kg çenli) we Begenç Baltaýew dagy mynasyp boldy.
Geçen ýyl bu ýaryşda türkmen samboçylarynyň 4 altyn, 3 kümüş we 8 bürünç, jemi 15 medal alandygyny ýatladýarys.


28.11.2025 23:57
5k+

Türkmen agyr atletikaçylary Tähranda Fajr Cup ýaryşynda 8 altyn medal gazandylar

2025-nji ýylyň 26-30-njy noýabry aralygynda Eýranyň paýtagty Tähranda halkara agyr atletika ýaryşy geçirilýär, bu ýerde Türkmenistanyň milli ýygyndysy üstünlikli gatnaşýar. Türkmen türgenleri eýýäm 12 medal gazandylar, şol sanda 8 altyn we 4 bürünç medal...

26.11.2025 10:39
4.6k+

9 altyn, 6 kümüş we 3 bürünç: Türkmen karateçileri Daşkentde geçirilen Aziýa çempionatynda üstünlikli çykyş etdiler

Türkmenistanyň milli ýygyndysy adaty karate boýunça Aziýanyň çempionatynda üstünlikli çykyş etdi. Ýaryş 2025-nji ýylyň 15–25-nji noýabry aralygynda Özbegistanyň paýtagty Daşkentde geçirildi. Türkmen türgenleri jemi 18 medala: 9 altyn, 6 kümüş we 3 bürünç medala mynasyp boldular...

25.11.2025 17:28
4.5k+

Türkmen tennisçileri Dewisiň Kubogy ugrundaky zolaklaýyn ýaryşyň ähli duşuşyklarynda ýeňiş gazandylar

Türkmen tennisçileri Dewisiň Kubogy ugrundaky zolaklaýyn ýaryşynda aýdyň üstünlik gazanyp, 2026-njy ýylda Aziýa we Okeaniýa zolaklarynyň IV toparynda çykyş etmäge hukuk gazandylar. Bu ajaýyp waka Isa-Taun şäherindäki...

25.11.2025 17:08
8.3k+

Türkmenistanly karateçi Ýaponiýanyň Maebasi şäherinde dünýä çempionatynda çykyş eder

Türkmenistanyň Kiokuşinkaý karate boýunça milli ýygyndysynyň agzasy Meýlis Paşagulyýew "The World Weight Kyokushin Karate Tournament – Japan 2025" dünýä çempionatyna gatnaşmak üçin Ýaponiýanyň Maebasi şäherine ugrady...