Google tapmaça oýnunyň üsti bilen Google I/O 2025-iň senesini yglan etdi

  • 14.02.2025 11:24
  • 1.7k+

Google kompaniýasy 2025-nji ýylda işläp düzüjiler üçin Google I/O konferensiýasynyň geçiriljek senesini yglan etdi. Çäre 20-nji we 21-nji maýda geçiriler hem-de tomaşaçylar üçin onlaýn elýeterli bolar diýip, The Verge habar berýär.

Adatça bolşy ýaly, programmanyň bir bölegi Kaliforniýadaky Shoreline Amphitheatre-da oflaýn görnüşde geçiriler.
Sene baradaky maglumat kompaniýanyň konferensiýanyň anonsy üçin ulanýan interaktiw tapmaçasynyň üsti bilen mälim edildi. 2025-nji ýylda Google I/O 19-22-nji maýda geçiriljek Microsoft Build konferensiýasy bilen bir wagtda diýen ýaly geçer. Bu işläp düzüjileriň we metbugatyň ünsüni çekmek üçin bäsdeşlik döredip biler.
Öňki Google I/O 2024 konferensiýasy emeli aň pudagyndaky täzeliklere baý bolupdy. Gemini, Project Astra we Veo EA modelleri ýaly işläp taýýarlamalar, şeýle-de EA gönükdirilen Google Search täzelenmesi hödürlendi. 2023-nji ýylda EA pudagynda täzelikler we täze Pixel gurluşlary, şol sanda Pixel Fold we Pixel Tablet barada gürrüň edildi.


27.07.2025 20:19
2.6k+

Google DeepMind emeli aňa latyn ýazgylarynyň ýitirilen böleklerini dikeltmegi öwretdi

Google DeepMind kompaniýasy gadymy latyn ýazgylarynyň ýitirilen böleklerini dikeltmäge ukyply Aeneas atly açyk neýroulgamy döretdi. Maglumat taslamanyň resmi web sahypasynda ýerleşdirildi. Işläp taýýarlama taryhçylara we epigrafistlere Rim ýazuwynyň zeper ýeten ýadygärliklerini düşündirmäge kömek etmegi maksat edinýär...

25.07.2025 11:50
4.7k+

Samsung köne smartfonlary Galaxy Z Fold 7 bilen çalyşmak programmasyny giňeltdi: Pixel 9 goşuldy

Samsung ulanyjylaryň köne smartfonlaryny Galaxy Z Fold 7 smartfonyna çalyşmagy üçin trade-in programmasynyň şertlerini täzeledi. Çalşyp boljak gurluşlaryň sanawyna ozal programma girmeýän Pixel 9 hatary hem goşuldy...

20.07.2025 17:33
4.2k+

Google 20-nji awgustda tanyşdyryş dabarasynda Pixel 10 seriýasyny we beýleki enjamlary görkezer

Google 20-nji awgustda täze enjamlarynyň tanyşdyryş dabarasyny geçirjekdigini mälim etdi. Esasy üns  Pixel 10 smartfon seriýasyna gönükdiriler diýip, The Verge ýazýar. Syzdyrylan maglumatlara görä, Pixel 10-yň esasy modeli täzelenen kamera bölümini alar – iki modulyň ýerine üçüsi bolar...

18.07.2025 06:46
1.5k+

Android bilen ChromeOS smartfonlar, planşetler we noutbuklar üçin bir OS-a birleşdiriler

Google kompaniýasy Android we ChromeOS ulgamlarynyň esasynda bir umumy operasion ulgamyň işlenip taýýarlanýandygyny resmi taýdan tassyklady. Maglumaty Android ekoulgamynyň prezidenti Samir Samat tassyklady. Ulgamlary birleşdirmek boýunça işler eýýäm birnäçe ýyl bäri alnyp barylýar...