Demirgazyk Arala ekoulgamy dikeltmek üçin 1 mlrd kubometr suw gönükdirildi

  • 13.02.2025 14:00
  • 8.1k+

2024-nji ýylyň oktýabr aýyndan 2025-nji ýylyň ýanwar aýyna çenli Demirgazyk Arala 1 mlrd kubometr suw guýuldy, bu meýilleşdirilen möçberden 100 mln kubometr köpdür. Howdanyň dikeldilmegi suwuň minerallaşmagynyň peselmegine, balyk gorlarynyň artmagyna we sebitiň ekologiýasynyň gowulanmagyna ýardam edýär diýip, Gazagystanyň Suw baýlyklary we suwaryş ministrligi habar berýär.

Merkezi Aziýa ýurtlary bilen gazanylan ylalaşygyň netijesinde, 2025-nji ýylyň mart aýynyň ahyryna çenli Demirgazyk Arala jemi 1,6 mlrd kubometr suw gönükdiriler.
Demirgazyk Aral deňzinde suwuň umumy möçberi eýýäm 22,1 mlrd kubometre ýetdi, bu 2022-nji ýyldaky bilen deňeşdirilende 3,2 mlrd köpdür. Meýilnama laýyklykda, 2025-nji ýylyň ahyryna çenli görkeziji 23,4 mlrd kubometre ýetmeli.
Howdanyň meýdany 3065 inedördül kilometre çenli ulaldy, bu 2022-nji ýylyň başyndakydan 111 inedördül kilometr uludyr.
Suw baýlyklarynyň artmagy suwuň minerallaşmagyny peseltmäge we balyklaryň 22 görnüşiniň populýasiýasyny dikeltmäge mümkinçilik berdi. Balyk tutmagyň ýyllyk möçberi 8 müň tonna ýetdi. Häzirki wagtda Kokoral bendini gorap saklamak we Syrderýanyň deltalarynyň kanallaryny dikeltmek boýunça taslama tamamlanýar. 
Guran ýerleri gök zolaga öwürmek üçin 4,4 mln nahal oturdyldy. 2021-nji ýyldan bäri ekiş işleri 475 müň gektary öz içine aldy, 2025-nji ýylyň ahyryna çenli bolsa bu görkezijini 1,1 mln gektara ýetirmek meýilleşdirilýär.
Aral deňziniň guran ýerlerini gök zolaga öwürmek topragyň eroziýasynyň öňüni almaga mümkinçilik berip, çäge we duz tupanlaryna garşy göreşmäge kömek eder. Bu sebitdäki daşky gurşawyň ýagdaýyny gowulandyrar hem-de ýerli ýaşaýjylaryň saglygyny gorar.
Gazagystan 2024-2026-njy ýyllarda Araly halas etmegiň Halkara gaznasyna ýolbaşçylyk edýär. Ýatlap geçsek, Türkmenistan hem gaznanyň agzasy bolup, oňa 1999-2002-nji we 2016-2019-njy ýyllarda ýolbaşçylyk etdi. 1993-nji ýylyň ýanwar aýynda döredilenden bäri Araly halas etmegiň Halkara gaznasy suw hojalygy we ekologiýa meselelerini çözmekde sebitiň ýurtlarynyň hyzmatdaşlygyny we özara gatnaşygyny güýçlendirmekde möhüm orun eýeledi.


düýn 12:26
5.9k+

Hazarda 2026-njy ýylda bekre balyklaryň önümçilik maksatly tutulmagyna ýol berilmezlik boýunça çözgüt kabul edildi

24–26-njy noýabrda Aşgabatda Türkmenistanyň Hazar deňzi institutynda Hazar deňziniň suw biologik serişdelerini gorap saklamak, rejeli peýdalanmak we olaryň bilelikdäki gorlaryny dolandyrmak baradaky toparyň 9-njy mejlisi geçirildi...

27.11.2025 12:09
5.9k+

Soňky 10 ýylda planetany beýlekilerden has "ýaşyl" eden ýurtlaryň sanawy düzüldi

Planetanyň "ýaşyl öýkeni" roluny ýerine ýetirýän tokaýlar kömürturşy gazyny özüne siňdirýär we kislorod çykarýar. Mundan başga-da, olar öz ekoulgamlaryny we suw aýlanyşyny döredip, müňlerçe kilometr uzaklykdaky sebitlere täsir edýärler...

10.11.2025 14:32
4.2k+

Türkmenistanda güýzki bag ekmek möwsüminiň çäklerinde on müňlerçe bag nahallary oturdyldy

8-nji noýabrda Türkmenistanda güýzki ählihalk bag ekmek dabarasy giňden ýaýbaňlandyryldy. Onuň çäklerinde tutuş ýurdumyz boýunça bag nahallary ekildi. "Türkmenistan" gazeti welaýatlar boýunça bag ekmek çäresiniň geçirilişi barada san maglumatlaryny paýlaşdy...

09.11.2025 19:41
7.8k+

Türkmenistanyň Prezidentiniň we Halk Maslahatynyň Başlygynyň gatnaşmagynda bag ekmek möwsümine badalga berildi

8-nji noýabrda Türkmenistanda Prezident Serdar Berdimuhamedowyň hem-de Halk Maslahatynyň Başlygy Gurbanguly Berdimuhamedowyň gatnaşmagynda ählihalk bag ekmek dabarasynyň güýzki möwsümine badalga berildi. Prezident Serdar Berdimuhamedow Aşgabadyň günortasynda 12 ýyllyk türkmen arçasyny oturdyp, güýzki ählihalk bag ekmek dabarasyna badalga berdi...