Amerikaly režissýor Riçard Linkleýter “Şadyýan aýlanýas” (“Весело мы катимся”) filmi üçin aktýorlary toplamagyny dowam etdirýär. 64 ýaşly režissýor filmi 20 ýylyň dowamynda surata düşürmegi meýilleşdirýär.
1981-nji ýylyň mýuzikline esaslanýan taslama aktrisa Hanna Kruz goşuldy. Ol Gassiniň keşbini ýerine ýetirer. Ol Gladiator 2-niň ýyldyzy Pol Meskalyň ýerine ýetirmegindäki Franklin Şepardyň aýalynyň keşbinde oýnar.
Şepard Golliwudyň hatyrasyna dostlaryny we karýerasyny terk eden üstünlikli kompozitor.
Filmiň dowamly surata düşürilmegi ony özboluşly eder. Sýužet boýunça wakalar iki onýyllygyň dowamynda ýaýbaňlanar we Linkleýter filmi hem şonuň ýaly wagtyň dowamynda surata düşürmegi meýilleşdirýär. Ol özüniň “Ýetginjeklik” (“Отрочество”) filmini 12 ýyllap düşürmek bilen, şu usuly ulanypdy.
Stiwen Sondhaým bilen Jorj Fertiň asyl mýuzikli 1934-nji ýylyň sahna eserine esaslanýar. Mýuzikl ilkinji gezek şol ýyl Brodweýde geçipdi we ýakynda Deniel Redklif, Jonatan Grof we Lindsi Mendes bilen ýene sahna gaýdyp geldi.
