Merkezi Afrika Respublikasy öz memkoinini işe girizdi: birnäçe sagatda onuň gymmaty $897 mln-a çykyp, 97% aşak gaçdy

  • 12.02.2025 15:55
  • 3.5k+

Merkezi Afrika Respublikasynyň (MAR) Prezidenti Fosten-Arkanž Tuadera 9-njy fewralda Solana blokçeýninde $CAR atly memkoiniň işe girizilendigini yglan etdi. Ol muny «bir memiň adamlary nädip birleşdirip, hatda milli ösüşi hem goldap, Merkezi Afrika Respublikasyny dünýä sahnasyna nädip çykaryp biljekdigini» görkezmek üçin geçirilen synag hökmünde atlandyrdy.

Köp adamlar bu habara şübhe bilen garap, Prezidentiň hasabynyň döwülendigini çaklapdylar, sebäbi habar Merkezi Afrika Respublikasynyň resmi dilinde däl-de, iňlis dilinde ýazylypdy. Şondan soňra Tuadera fransuz dilinde wideo neşir edip, bu taslamanyň hakykylygyny tassyklady.
«Decrypt» neşiriniň maglumatlaryna görä, $CAR memkoininiň kapitallaşdyrylşy iki ýarym sagadyň dowamynda 1210% ýokarlanyp, 68 million dollardan 897 million dollara çykdy. Bu bolsa MAR-yň 3 milliard dollarlyk jemi içerki önüminiň (JİÖ) takmynan üçden bir bölegine deňdir.
Elbetde, käbir treýderler (söwdagärler) bu pursatdan peýdalanmagy ýüregine düwdi. Media çeşmeleriniň habarlaryna görä, olardan biri 47 million sany $CAR tokeni satyn alyp, bary-ýogy üç sagadyň dowamynda «bary-ýogy 5 müň dollarlyk maýa goýumyny 12 million dollara çykardy». Başga bir treýder bolsa $CAR memkoininden 40 million dollar gazanmak mümkinçiligini elden giderdi.
Ýöne garaşylşy ýaly, memkoiniň kapitallaşdyrylşy tiz pese gaçyp başlady. 11 sagadyň dowamynda onuň bazar bahasy 125 million dollara çenli aşaklady. Tuadera taslamany goldamak maksady bilen ýene bir wideo çap edip, $CAR memkoininiň üstünlikli işe girizilendigini we gazanylan serişdeleriň sosial maksatly sarp ediljekdigini aýtdy. Bu wideo memkoiniň bahasyny gysga wagtlygyna hem bolsa 400 million dollara çenli ýokarlandyrdy, emma soňra onuň umumy gymmaty iň ýokary derejesinden 97% pese düşüp, 27 million dollara çenli aşak gaçdy.
Bilermenleriň bellemegine görä, aslynda $CAR üçin düýpli meýilnama ýokdy. Bu kriptowalýuta resmi pul birligi däldi, banklar tarapyndan kabul edilmeýärdi, hatda onuň web sahypasy hem dogry işlemeýärdi, üstesine-de taslamanyň sosial tordaky hasaby hem petiklenipdi. Analitiklere görä, $CAR memkoininiň bahasy spekulýatiw aktiwlere mahsus bolan hereketler bilen üýtgeýärdi we edil Donald Trampyň memkoinine meňzeýärdi.


09.03.2025 14:36
7.9k+

Ak tamda geçirilen ilkinji kriptosammit maýadarlaryň tamasyny ödemedi

7-nji martda Ak tamda ilkinji kriptosammit geçirildi we onda ABŞ-nyň Prezidenti Donald Tramp ele salnan aktiwlerden bitkoin ätiýaçlyklaryny döretmek meýilnamalary barada aýtdy. Ýöne maýadarlar has aýgytly ädimlere...

07.03.2025 15:30
5.7k+

Tramp kriptowalýutalaryň strategiki ätiýaçlyklaryny döretdi: şondan soň olar bahasy aşaklap başlady

ABŞ-nyň Prezidenti Donald Tramp bitkoinleriň strategiki ätiýaçlygyny we beýleki kriptowalýutalary öz içine aljak sanly aktiwleriň ätiýaçlygyny döretmek barada permana gol çekdi. Olaryň ikisinde-de jenaýat we raýat...

04.03.2025 12:14
5.1k+

ABŞ-da ilkinji kriptosammit geçiriler we ýurduň kriptoätiýaçlygy dörediler

7-nji martda Ak tamda taryhda ilkinji kriptowalýuta sammiti geçiriler. Bu wakanyň öňüsyrasynda ABŞ-nyň Prezidenti Donald Tramp iş toparyna kriptowalýutalaryň strategiki ätiýaçlygyny döretmegi tabşyrdy. Bu ätiýaçlyk XRP...

06.02.2025 09:29
2.3k+

Salwadorda bitkoin töleg serişdeleriniň hataryndan aýryldy

30-njy ýanwarda Salwadoryň Parlamenti bitkoin baradaky kanuna üýtgetmeleri tassyklap, onuň resmi walýuta statusyny aýyrdy. Öň şeýle status satyjylary ABŞ dollary bilen bir hatarda töleg hökmünde aktiwleri kabul...