2024-nji ýylda ýarymgeçiriji komponentleriň satuwyndan gazanylan global girdeji 19,1% ýokarlanyp, rekord 627,6 mlrd dollara ýetdi. SIA assosiasiýasynyň maglumatlaryna görä, ösüşiň esasy hereketlendirijisi logiki mikroshemalar we ýat boldy.
Bellenilişi ýaly, dördünji çärýekde ösüş ýyllyk hasabynda 17,1% boldy, dekabr aýy bolsa 2023-nji ýylyň degişli aýy bilen deňeşdirilende, 17,1% ösüş görkezdi.
Sebitleriň arasynda iň uly ösüş Amerikada hasaba alyndy, bu ýerde girdeji 56,3%, 20 mlrd dollara çenli ýokarlandy. Ýaponiýa 4,1% goşdy, Hytaý bolsa, sanksiýalara garamazdan, dekabr görkezijilerini 2,6%, 15,5 mlrd dollara çenli artdyrdy. Ýewropada satuw 8,6% azaldy.
Iň esasy ösen ugur 212,6 mlrd dollar bilen logiki mikroshemalar boldy. Ýat pudagy 78,9% ösüş görkezip, 165,1 mlrd dollara ýetdi. Bu, esasan, DRAM (+82,6%) we HBM mikroshemalarynyň ýokary satuwy netijesinde mümkin boldy.
SIA analitikleri 2025-nji ýylda-da ýarymgeçirijileriň satuwyndan gelýän girdejiniň iki belgili ösüş görkezmegini çaklaýar.
