Täze altynjy nesil «Mercedes-Benz E-Class» (W214) ABŞ-nyň Ýol howpsuzlygy ätiýaçlandyryş instituty (IIHS) tarapyndan geçirilen çaknyşyk synagynda garaşylýan netijeleri bermedi diýip, «autoevolution» neşiri habar berýär.
Täze sedan ýokary standartlaryna garamazdan, öň tarapdan çaknyşyk synagynda, esasanam yzky ýolagçylaryň howpsuzlygy boýunça «ortaça» baha aldy.
Mesele nämede? Howpsuzlyk kemeri 12 ýaşly çaganyň ýa-da islendik bir kiçi göwreli adamyň biline (bykynyna) dogry ýerleşmän, garnynyň üstüne süýşüp bilýär. Bu ýagdaý bolsa şikes ýetme howpuny artdyrýar.
IIHS-iň neşir eden maglumatlaryna görä, hatda synag wagtynda howpsuzlyk kemeriniň egin guşagy hem öz ýerinden süýşüp, ýokarlygyna galdy. Bu bolsa ýolagçylaryň howpsuzlygyny pese gaçyrdy. Netijede, «E-Class» abraýly «Top Safety Pick+» baýragyny alyp bilmän, «Top Safety Pick» bilen çäklendi.
Mundan başga-da täze «E-Class» ulagynyň standart faralary kämahal gysga şöhlelenmeleri döretdi. Awtomatiki gyssagly tormoz ulgamy bolsa «gowy» baha alyp bilmän, «ýeterlik» diýlip kesgitlenildi.
