«Annie Awards» baýragynyň 52-nji gowşurylyş dabarasynyň ýeňijileri yglan edildi. Los-Anjelesde geçirilen dabaranyň esasy ýeňijisi – dokuz sany esasy nominasiýada baýrak alan «Ýabany robot» (Дикий робот) boldy.
DreamWorks studiýasynyň bu taslamasy «Iň gowy doly metražly multfilm», «Iň gowy režissýorlyk», «Iň gowy keşp dizaýny» we «Iň gowy multfilm saundtreki» ýaly ugurlarda ýeňiş gazandy.
Telewideniýe kategoriýalarynda Netflix platformasynyň «Arkeýn» (Аркейн) multserialynyň ikinji möwsümi iň köp baýrak alan taslama boldy – ol dalaşgär edilip görkezilen ýedi nominasiýanyň ählisinde ýeňiji boldy. Şolaryň arasynda «Iň gowy animasion serial režissýorlygy», «Iň gowy keşp animasiýasy» we «Iň gowy multserial saundtreki» ýaly ugurlar bar.
«Iň gowy garaşsyz multfilm» nominasiýasynda latwiýaly režissýor Gint Zilbalodisiň «Akym» (Поток) atly eseri ýeňiji boldy. Bu multfilm «Iň gowy ssenariýa» baýragyna hem eýe boldy.
Beýleki esasy nominasiýalaryň ýeňijileri:
- ·Iň gowy ulular üçin multserial – «Bobyň garbanyşhanasy» (Закусочная Боба)
- ·Iň gowy çagalar üçin multserial – «Aý gyzy we DinoŞeýtan» (Лунная Девочка и ДиноДьявол)
- ·Iň gowy gysga metražly multfilm – «Orion we tümlük» (Орион и тьма)
- ·Filmde iň gowy keşp animasiýasy – «Maýmynlar planetasy: Täze patyşalyk» (Планета обезьян: Новое царство)
Ýeňijileriň doly sanawy bilen şu salgyda tanşyp bilersiňiz.
