Ýeňil agramda UFC-niň öňki wagtlaýyn çempiony Dastin Porýe 2025-nji ýylyň tomsunda karýerasyny tamamlamak isleýär. Ol promouşen bilen hoşlaşyk söweşini geçirmek barada gepleşikleri alyp barýar.
“Size köp zat aýdardym, ýöne häzirlikçe her hepde UFC bilen aragatnaşyk saklaýandygymy we hoşlaşyk söweşimiň tomusda Täze Orleanda geçirilip bilinjekdigini habar berip bilýärin. Täze Orleandaky tomusky belgili ýaryş üýtgeşik bolar – häzir munuň üstünde işleýäris we biz eýýäm ýakyn” – diýip, Porýe The Schmo You-Tube kanalynda aýtdy.
Porýeniň öňki söweşi 2024-nji ýylyň iýunynda geçirildi we ol bäşinji raundda demikdiriji usul bilen Islam Mahaçewden ýeňildi.
