Halkara ynsanperwer ylymlary we ösüş uniwersiteti ýurduň mekdepleriniň ýokary synp okuwçylaryny hem-de uçurymlaryny «Men – geljekki hünärmen» atly integrirlenen olimpiada gatnaşmaga çagyrýar.
Bäsleşige Türkmenistanyň umumy bilim berýän orta mekdepleriniň 12-nji synp okuwçylary we orta mekdebi tamamlanyna 1 ýyldan köp wagt bolmadyk ýaş raýatlar gatnaşyp bilýärler. Gatnaşjaklary bellige almak 10-njy marta çenli dowam eder.
Olimpiada 15-nji martdan 15-nji maýa çenli döwürde bäş ugur: matematika, informatika, iňlis dili, jemgyýeti öwreniş hem-de Türkmenistanyň taryhy boýunça geçiriler. Olimpiada şahsy bäsleşik görnüşde geçirilip, üç tapgyry özünde jemleýär.
Birinji saýlama hem-de ikinji tapgyrlar ýokary okuw mekdebi tarapyndan onlaýn görnüşde guralar. Olimpiadanyň birinji we ikinji tapgyrlarynyň jemleri boýunça iň oňat netijeleri görkezen gatnaşyjylar üçünji, jemleýji tapgyra gatnaşmak üçin Halkara ynsanperwer ylymlary we ösüş uniwersitetine çagyrylar.
Giňişleýin maglumatlary uniwersitetiň saýtynda alyp bolar.
Telefonlar:
+99312 398513;
+99312398550
E-mail: iuhdolympiads@gmail.com
