1970-nji ýyllaryň modasy gaýdyp gelýär. Vogue žurnalynyň bilermenlerine görä, 2025-nji ýylyň ýaz paslynda «boho-şik» stili trende öwrüler. Şeýle-de modanyň esasy trendi süýümtik (zamşa) matadan tikilen penjekler bolar. Şular ýaly eşikler 50 ýyl mundan ozal her bir adamyň geýim şkafynda hökman bolýardy.
Şeýle penjekleri dünýä belli brendleriň täze kolleksiýalarynda tapyp bolýar. Ýakynda geçirilen moda görkezilişlerinde Miu Miu, Prada, Fendi we Coperni brendleri hem meňzeş eşikleri hödürlediler. Olary islendik gündelik eşik bilen utgaşdyryp bolýar, iň stilistik sazlaşyk bolsa jinsiler bilen gazanylýar.
Bilermenlere görä, «denim» (gök jinsi material), emeli ýüň we deriden tikilen eşikler hem meşhur bolar. Stilistleriň maslahatlaryna görä, şu materiallardan tikilen plaş-trençkotlar, kurtkalar we penjekler aýratyn üns bermäge mynasyp. Şeýle eşikleri Gucci, Dior we Yves Saint Laurent brendleriniň kolleksiýalaryndan tapyp bolýar.
