Türkmenistanda ýeňil atletika, kik-boks we uşu boýunça okuw kitaplary neşir edildi

  • 09.02.2025 19:19
  • 3.2k+

Türkmen döwlet bedenterbiýe we sport institutynyň professor-mugallymlary sportuň ýeňil atletika, kik-boks we uşu görnüşleri boýunça okuw kitaplaryny neşir etdiler.
Bu okuw kitaplary ýokary okuw mekdepleriniň mugallymlarydyr talyplaryndan başga-da, ýöriteleşdirilen çagalar-ýetginjekler sport mekdepleriniň okuwçylary, bu ugurda içgin iş alyp barýan hünärmenler, şol sanda türgenler we tälimçiler, sportuň bu görnüşleri bilen gyzyklanýan islendik ýaşdaky adamlar üçin niýetlenendir.
Kitaplar “Ylym” neşirýaty tarapyndan neşir edildi.


«Ýeňil atletikanyň nazaryýeti we usulyýeti»
atly okuw kitaby institutyň Ýeňil we agyr atletika kafedrasynyň professor-mugallymlary Döwletgeldi Mämmedow, Halmyrat Nepesow, Serdar Nurmyradow, Saparmyrat Mämmedow tarapyndan neşir edildi. Kitap 21 bapdan ybaratdyr. Kitapda ýeňil atletika sportunyň ähli görnüşleriniň tehnikalary we şol tehnikalary özleşdirmegiň aýratynlyklary‚ sport taýýarlygynda ulanylýan usullar we serişdeler‚ şeýle hem türgenleşigiň meýilleşdirme işi barada we ýeňil atletika ýaryşlarynyň kadalary bilen tanyşmak mümkindir.

«Kik-boksuň nazaryýeti we usulyýeti» atly okuw kitabyny Sportuň göreş görnüşleri kafedrasynyň professor-mugallymlary Soltanmyrat Esenow, Allaberdi Omarow we Şöhrat Hallyýew taýýarladylar. Kitapda kik-boksuň taryhy, onuň döreýiş we ösüş tapgyrlary, kik-boksçy türgenleriň beden taýýarlygy, kik-boks sportunyň tehnikasy we taktikasy, kik-boksçularyň psihologik taýýarlygy, olaryň iýmitlenmek kadalary, kik-boks sportunyň düzgünleri, kik-boksda ýüze çykýan sport şikesleri barada giňişleýin beýan edilýär.

«Uşunyň nazaryýeti we usulyýeti» okuw kitaby Sportuň göreş görnüşleri kafedrasynyň professor-mugallymlary Wepa Ýazberdiýewiň, Welmyrat Hojamyradowyň, Süleýman Jumagylyjowyň, Resul Myratdurdyýewiň awtordaşlygynda çap edildi. Kitapda sportuň bu görnüşinde türgenleşik geçmegiň düzgün-kadalary, emelleri ýerine ýetirmegiň yzygiderliligi öz beýanyny tapýar. Kitap uşu sungatynyň şol emellerini, aýratynlyklaryny öwrenmäge ýardam eder.


25.06.2025 16:41
15k+

Türkmenistanyň milli ýygyndysynyň öňki tälimçisi litwa klubuna bellenildi

Türkmenistanly hünärmen Mergen Orazow Litwanyň “Dainawa” futbol toparynyň baş tälimçisi wezipesine bellenildi. Bu barada toparyň metbugat gullugy habar berdi. Ýewropa klubuna geçmegi tälimçiniň karýera  ösüşinde täze tapgyr boldy...

23.06.2025 01:08
6k+

Türkmen karateçileri Bişkekde Merkezi Aziýanyň çempionatynda 12 medal gazandylar

Türkmenistanly karateçiler Bişkek şäherinde geçirilýän Merkezi Aziýanyň WKF karate boýunça 10-njy çempionatynda jemi 12 medal gazandylar. Bu barada Türkmenistanyň karate-do federasiýasy habar berdi. Ýaryşa Gazagystan, Gyrgyzystan, Täjigistan, Türkmenistan we Özbegistandan gelen 609 türgen gatnaşýar...

22.06.2025 17:38
5.8k+

Türkmen türgenleri Wýetnamda Aziýanyň çempionatynda dört medal gaznadylar

pälwanlary Wýetnamyň Wungtau şäherinde geçirilýän ýaşlaryň arasyndaky Aziýa çempionatynda (23 ýaşa çenli) dört medal gazandy. Türkmen türgenleri erkin göreş boýunça bir kümüş we iki bürünç medal eýelemegi başardylar...

21.06.2025 02:42
21k+

Abdulla Babaýew Fight Nights-yň ýaryşynda garşydaşyny demikdiriji usul bilen ýeňdi

Garyşyk söweş sungatynyň türkmenistanly wekili Abdulla Babaýew halkara ýaryşlarynda üstünlikli çykyşlaryny dowam edýär. Bu gezek ol Ulýanowskide (Russiýa) geçirilen Fight Nights ýaryşynda russiýaly garşydaşy Habib Guseýnowdan üstün çykdy...