Halkara Travel Photographer of the Year 2024 («2024-nji ýylyň syýahatçy-suratçysy», TPOTY) bäsleşiginiň guramaçylary ýeňijileri yglan etdiler.
Şu ýyl eminler topary dünýäniň 150 ýurdundan gatnaşan suratçylaryň iberen 20 müňden gowrak işini gözden geçirdiler. Bilermenler dürli ugurlar boýunça iň gowy suratlary saýladylar. Eminler bu suratlaryň «dünýäniň reňklerini we duýgularyny açyp görkezýän ajaýyp wizual syýahatdygyny» belläp geçýärler.
🏆 Bäsleşigiň absolýut ýeňijisi – Paýper Makkeý (Piper Mackay).
Amerikan suratçy Paýper Makkeý infragyzyl suratçylyk (infrared photography) usuly bilen düşüren suratlary üçin baş baýragy gazandy. Onuň işleri, şol sanda afrikaly aýallaryň portretleri hem-de Keniýa deňiz düzlüginden geçýän žiraflaryň şekilleri, adaty bolmadyk reňk äheňi bilen tapawutlanyp, mistiki duýgy döredýär.
Makkeý bu baýragyň onuň Afrikada geçiren 20 ýyllyk işiniň iň ýokary derejesi bolandygyny aýtdy.
📷 Aýry-aýry ugurlar boýunça ýeňijiler:
«Ýabany haýwanlar, tebigat, suwasty dünýä» – Joşua Holko (Joshua Holko).
«Ýüzler, adamlar, medeniýetler» – Parta Pratim Roý (Partha Pratim Roy).
📂 Iň gowy portfoliolar:
«Ýabany haýwanlar, tebigat, suwasty dünýä» – Jenni Stok (Jenny Stock).
«Ýer planetasy – landşaft, klimat we suw» – Roi Galits (Roie Galitz).
«Ýüzler, adamlar, medeniýetler» – Marikrus Sains de Aha (Maricruz Sainz de Aja).
👶 Ýaş ýeňijiler:
14 ýaşa çenli – Leonardo Mýurreý (Leonardo Murray).
15-18 ýaş aralygy – Maksimilian Paçkowski (Maksymilian Paczkowski).
🏅 Tomaşaçylaryň söýgüsini gazanan: Mauro De Bettio (Mauro De Bettio).
