Paramount Pictures Riannanyň Smurfettanyň keşbini janlandyrmagynda “Smurflar” multfilminiň ilkinji doly treýlerini çykardy. Ilkinji görkezilişi 18-nji iýulda bolar.
Aýdymçy taslamanyň prodýuseri hökmünde hem çykyş etdi we munuň üçin birnäçe aýdym ýazdy. Filme Kris Miller bilen Mett Lendon režissýorlyk etdi, edebi esasyny bolsa Pem Breýdi ýazdy.
Filme Riannadan başga-da, Nataşa Lion, Nik Offerman, Emi Sedaris, Nik Krol, Deniel Lewi, Oktawiýa Spenser, Sandra O, Hanna Uoddingem, Şolo Mariduenýa, Jeýms Korden, Aleks Uinter, Billi Lurd, Kurt Rassel we Jon Gudman dagy ses berdi.
Kiçijik gök gahrymanlar ilkinji gezek belgiýaly suratkeş Peýonyň komikslerinde peýda bolupdy. Ondan öň Sony Pictures-iň kult franşizasynyň film uýgunlaşmalary goýberilipdi. Olarda Nil Patrik Harris bilen Keti Perri surata düşüpdi.
