Toplumlaýyn çäreleriň durmuşa geçirilmegi netijesinde, 2024-nji ýylda Türkmenistanda jemi içerki önümiň durnukly ösüşi üpjün edilip, ol 6,3 göterim artdy. 7-nji fewralda geçirilen giňişleýin Hökümet mejlisinde 2024-nji ýylda gazanylan milli ykdysadyýetimiziň makroykdysady görkezijileri barada hasabat berildi.
Bellenilişi ýaly, senagat pudagynda 1,5 göterime, gurluşykda 11 göterime, ulag we aragatnaşyk pudagynda 7,2 göterime, söwdada 10,1 göterime, oba hojalygynda 5,3 göterime we hyzmatlar ulgamynda 8,6 göterime deň boldy.
2024-nji ýylda 2023-nji ýyl bilen deňeşdirilende, jemi öndürilen önüm 12,1 göterim artyp, ykdysadyýetiň pudaklarynda kadaly önümçilik netijeleri gazanyldy.
2023-nji ýyl bilen deňeşdirilende, geçen ýylda bölek satuw haryt dolanyşygynyň möçberi 13,1 göterim artdy.
Ýurdumyzyň iri we orta kärhanalarynda ortaça aýlyk zähmet haky 2023-nji ýyl bilen deňeşdirilende, 10,6 göterim ýokarlandy. Hasabat döwründe zähmet haklary, pensiýalar, döwlet kömek pullary we talyp haklary öz wagtynda maliýeleşdirildi.
2024-nji ýylda maliýeleşdirmegiň ähli çeşmeleriniň hasabyna özleşdirilen düýpli maýa goýumlarynyň meýilnamasy doly ýerine ýetirildi hem-de 2023-nji ýyl bilen deňeşdirilende, 9,1 göterim artdy.
