Torsugyň özüniň Benksi stilindäki graffiti şekline seredip duran pursadyny görkezýän surat, Londonyň Tebigy taryh muzeýiniň gurnaýan «Ýylyň ýabany tebigat suraty – 2024» bäsleşiginiň ýeňijisi boldy diýip, BBC ýazýar.
Bu surat Angliýanyň Sent-Leonards-on-Si şäherindäki asuda ýoluň kenarynda britaniýaly suratçy Ian Wud tarapyndan surata düşürildi.
«Men olary surata düşürmek üçin 2 ýyl diýen ýaly sarp etdim we hut şu surat ilkinji nobatda diňe bir pikir bolup ýüze çykdy. Men graffiti çekip, torsugyň onuň aşagyndan geçip barýan pursadyny surata düşürip bilermikäm diýip pikir etdim, bu gyzykly bolar öýtdüm» diýip, Wud BBC bilen söhbetdeşlikde aýtdy.
«Ýylyň ýabany tebigat suraty halkyň saýlawy» baýragyna dalaşgär görkezilen 25 surat dünýäniň ähli künjeklerinden ýabany tebigat suratçylygy boýunça höwesjeňleriň ses bermegi bilen rekord derejede – 76 müňden gowrak ses toplady. Ýeňiji suratdan daşary, finala çykan ýene dört surat hem ýokary baha mynasyp boldy.
Bu bäş surat 29-njy iýuna çenli Londonyň Tebigy taryh muzeýinde we onlaýn ýagdaýda görkeziler.
