Kompaniýanyň habar bermegine görä, indi 1-den 8-e çenli sanlar awtoulagyň ululygyny we hatardaky ornuny görkezer.
Ilkibaşda elektrik awtoulaglara jübüt sanlary, içinden ýandyrylýan hereketlendirijili modellere bolsa täk sanlary bermek meýilleşdirilipdi. Emma bu ulgam satyn alyjylarda bulaşyklyga sebäp boldy.
Audi 2023-nji ýylda elektrik awtoulaglar bilen içinden ýandyrylýan hereketlendirijili modelleriň atlarynyň tapawutlandyryljakdygyny mälim edipdi. Emma bu ýagdaý müşderilerde we dilerlerde düşnüksizlik döretdi. Şonuň üçin Audi öňki atlandyryş ulgamyna gaýdyp geldi, indi 1-den 8-e çenli sanlar modeliň ululygyny görkezer.
Içinden ýandyrylýan hereketlendirijili modeller öňki atlaryny saklap galar, benzinli görnüşler üçin TFSI, dizelli görnüşler üçin bolsa TDI atlary ulanylar. Elektrikli awtoulaglarda bolsa adynyň öňünden «e-tron» ýazgysy goşular. Mysal üçin, geljekde A6 we A7 modelleri täze ulgama laýyklykda täzeden atlandyrylar.
Şeýle-de, kompaniýa täze A6 modeli üçin resmi tanyşdyryş senesini mälim etdi – ol 2025-nji ýylyň 4-nji martynda tanyşdyrylar.
