Dünýä belli tenorlar Plasido Domingo we Hose Karreras, meşhur gazagystanly aýdymçy Dimaş Kudaýbergen we wiolonçel çalýan Stepan Hauzer “Virtuosos” taslamasynyň çäklerinde özboluşly kwarteti emele getirdi. Olar bilelikde XX asyryň iň meşhur aýdymlarynyň biri bolan “My Way” aýdymyny ýazdy diýip, DimashNews habar berýär.
Ilkinji gezek 1969-njy ýylda Frenk Sinatra tarapyndan ýerine ýetirilen bu aýdym dünýäniň aýdym-saz sungatynyň taryhyna girip, Klod Fransua, Elwis Presli, Mireý Matýo, Muslim Magomaýew we Robbi Uilýams ýaly artistleriň repertuaryna goşuldy.
Çykyşyň ýazgysy 2025-nji ýylyň ýazynda Duna TV teleýaýlymynda görkeziler, programmanyň bölümleri bolsa 25-nji aprelden ýaýlyma berler.
Tomaşaçylar üçin ýene bir täzelik Stepan Hauzer bilen Dimaş Kudaýbergeniň dueti bolar. Olar Igor Krutoýyň kobyz we wiolonçeliň ulanylmagy bilen baýlaşdyrylan “Stranger” aýdymyny ýerine ýetirer.
Öň, Hauzer bilen Kudaýbergen Singapurda geçirilen “Virtuosos” haýyr-sahawat konsertinde bilelikde çykyş edip, “Ave Maria” we “Sos d’un terrien en détresse” duetlerini hödürläpdi.
