GDA-nyň Ýerine ýetiriji komiteti öňümizdäki iki ýyl üçin Arkalaşygyň Ýaşlar paýtagtlaryny kesgitledi. Bu dereje 2027-nji ýylda Minsk şäherine (Belarusuň paýtagty), 2028-nji ýylda bolsa Karaganda şäherine (Gazagystan) berler.
Bu çözgüt 2026-njy ýylyň 22-nji maýynda Aşgabatda geçirilen GDA-nyň Hökümet Baştutanlarynyň Geňeşiniň mejlisinde kabul edildi.
Saýlanyp alnan şäherleriň ýaşlar bilen işleşmekde baý tejribesi bar. Bu şäherlerde ýaşlaryň durmuşy we ösüşi üçin zerur bolan infrastruktura işjeň ösdürilýär, halkara ýaşlar hyzmatdaşlygy goldanylýar we medeni durmuş durnukly dowam edýär.
GDA-nyň Ýaşlar paýtagty derejesini alan şäherler Ýaşlar işleri boýunça geňeşiň mejlislerini we Arkalaşyga agza döwletleriň Ýaşlar guramalarynyň forumyny kabul edýärler.
