Gazagystanyň paýtagty Astanadaky «Lumiere Hall» multimediýa meýdançasynda dünýä belli britan köçe suratkeşi Benksä bagyşlanan «Benksi: genimi ýa-da ýumrujy?» atly sergi açyldy.
Şahsyýeti 25 ýyldan gowrak wagtlap näbelli bolup galmagyny dowam edýän bu syrly suratkeşiň sergisine ägirt uly şekilli taslamalar bilen birlikde awtoryň öz goly bilen grafiti çeken iki sany asyl nusgadaky ýol belgisi hem goýuldy.
Tomaşaçylara Benksiniň iň irki we meşhur işleri, şeýle-de onuň «Dismalend» taslamasy üçin ýörite taýýarlan galp pullarynyň nusgalary görkezilýär. Eserlerde global kapitalizm, uruşlar we habar serişdeleriniň jemgyýetdäki orny ýaly möhüm meseleler gozgalypdyr.
Sergide suratkeşiň iň köp ulanýan keşplerine aýratyn üns berlipdir. Meselem, köçe sungatynyň nyşany hasaplanýan alakalaryň şekilleri we syýasat hem-de jemgyýet baradaky işlerinde adamlaryň ornuna maýmynlaryň ulanylan suratlary bar.
Bu sergi adaty muzeýler ýaly däl-de, uly ekranlaryň we proýektorlaryň kömegi bilen 40 minutlyk multimediýa şüweleňi görnüşinde taýýarlany;ypdyr. Guramaçylaryň aýtmagyna görä, bu taslama adaty, nusgawy muzeýlere seýrek barýan ýaşlary we adamlary özüne çekmek üçin niýetlenendir.
Gazagystanda öňräkden bäri geçirilýän şeýle äheňdäki multimediýa taslamalary adamlaryň muzeýlere bolan gyzyklanmasyny ep-esli artdydy.
Sergi Astanadaky görkezilişini tamamlandan soň, Niderlandlaryň Amsterdam şäherine ugradylar.
