Gonkongda Aý senenamasy boýunça Ýylan ýylynyň gelmegine bagyşlanan Täze ýyl Mark Six lotereýa oýnunda rekord utuş barada yglan edildi. Şowly bilet eýesine 193 762 620 Gonkong dollaryny (takmynan, 25 mln ABŞ dollary) getirdi diýip, South China Morning Post habar berýär.
Lotereýa Gonkongyň Žokeý kluby tarapyndan geçirilýär. Jekpot almak üçin 49 sandan 6 sany bilmeli. Bu gezek utuşly belgiler 14, 18, 30, 36, 40 we 42 boldy.
Rekord baýragyň eýesiniň ady aýan edilmeýär.
Ikinji orny 6 sandan 5 sany bilen 12 bilet eýeleri eýeledi. Olaryň her biri 1 215 620 Gonkong dollaryny aldy (150 müň dollardan gowrak).
Bir biletiň bahasy 10 Gonkong dollaryna barabar. Bellenilişi ýaly, Aý senenamasy boýunça Täze ýylynyň öňüsyrasynda biletlere bolan isleg rekord boldy. Umumy bilet bahasy 380 mln Gonkong dollaryna ýetdi. Olardan 54%-i baýrak gaznasyna, 25%-i salgyt töleglerine, 15%-i haýyr-sahawata gönükdirildi, 6%-i bolsa guramaçylar üçin komissiýa hökmünde saklanyp galyndy.
