ABŞ-daky Los-Alamos milli barlaghanasy (LANL) OpenAI bilen onuň modellerini Venado superkompýuterinde ulanmak barada şertnama baglaşdy. NVIDIA GH200 super tizlendirijileri bilen enjamlaşdyrylan täze ulgam milli howpsuzlyk ulgamynda barlaglary geçirmek we çylşyrymly ylmy meseleleri çözmek üçin ulanylar.
Laboratoriýada häzirki zaman howplarynyň gitdigiçe çylşyrymlaşýandygyny we täze OpenAI modelleriniň, esasanam o1-yň, häzirki kynçylyklary ýeňip geçmäge kömek etjekdigini aýtdy. Venado goragly gizlin tora birikdiriler, bu LANL-yň alymlaryna onuň gorlaryny Liwermor we Sandiýa milli barlaghanalaryndaky kärdeşleri bilen bilelikde netijeli ulanmaga mümkinçilik berer.
OpenAI we LANL öň AI-niň howpsuzlygyny we pikirleniş mümkinçiliklerini bahalandyrmakda hyzmatdaşlyk etdiler. Modeller indi energiýa ulgamynda, täze materiallary we kwant algoritmlerini işläp düzmekde ulanylýar. Geljekde olaryň ulanylmagy Amerikanyň Birleşen Ştatlarynyň ylmy mümkinçiliklerini giňelder we tehnologiki ösüş derejesini ýokarlandyrar.
