3-nji fewralda Gün işjeňligi rekord derejeli boldy. Bir gije-gündiziň dowamynda Günde ýedi sany M partlamalary, şol sanda M8.8 derejeli güýçli partlama bolup geçdi diýip, TASS habar berýär.
Amaly geofizika institutynyň maglumatlaryna görä, şeýle güýçli partlama Aşgabat wagty bilen 8:58-de 3981 tegmiller toparynda hasaba alyndy.
Mundan başga-da, Aşgabat wagty bilen 04:00 we 13:00 aralygynda M4.2, M2.5, M3.1, M3.2 güýji bolan partlamalar hem-de iki sany M1.0 partlamasy bolup geçdi.
RYA-nyň Kosmos gözlegleri institutynyň Gün astronomiýasy barlaghanasynyň maglumatlaryna görä, partlama işjeňliginiň häzirki görkezijisi 10 ballyk şkala boýunça 8.7 bolup, bu ýakyn iki günde X derejeli partlamanyň bolmak ähtimallygynyň ýokarydygyny görkezýär.
Şeýle-de, Gün işjeňliginiň global ösüşi hasaba alynýar, sebäbi partlamalaryň sanynyň we güýjüniň sinhron artmagy Günüň görünmeýän tarapynda bolup geçýär, bu ýerde iki uly plazma zyňyndysy hasaba alnypdy. Işjeň merkezler indi Ýeriň garşysynda ýerleşýär, bu hem olaryň planetamyza bolan täsirini güýçlendirýär.
