Netflix-iň “Gum adam” (Песочный человек) serialy ikinji möwsüm bilen tamamlanar. Soňky bölümler 2025-nji ýylda çykar diýip, Variety neşiri habar berýär.
Taslamany döredijiler bu serialyň ilkibaşda iki möwsümlik meýilleşdirilendigini habar berýär, bu bolsa wakanyň, üstünlige garamazdan, uzaldylmajakdygyny aňladýar.Serialyň iki möwsüm bilen çäklenmegi soňky wagtlar onuň awtory Nil Geýmanyň abraýyna zyýan ýetirip biljek hadysalar bilen baglanyşykly bolup biler.
Meşhur ýazyjynyň töweregindäki ýagdaý Amazon-yň “Ýagşy alamatlar” (Благие знамения) serialynyň üçünji möwsümine-de täsirini ýetirdi, ol eýýäm Geýmanyň gatnaşmazlygynda doly metražly film hökmünde gaýtadan işlendi.
“Gum adamyň” sýužeti düýşler şalygynyň hökümdary Morfeý barada gürrüň berýär. 70 ýyl tussaglykdan soň, ol öz şalygyny dikeltmäge we özüniň ýok wagty dünýäde bolup geçen üýtgeşmelere düşünmäge çalyşýar.
Baş keşbi Tom Stýorrij ýerine ýetirdi, şeýle-de seriala Boýd Holbruk, Jenna Koulman we Dewid Týulis gatnaşdy.
