2025-nji ýylyň ýanwar aýynda “Gladiator-2” (Гладиатор-2) resmi däl saýtlar tarapyndan iň köp ýüklenen film boldy. Reýtingi kiberhowpsuzlyk tehnologiýalary bilen meşgullanýan F.A.C.C.T. kompaniýasy düzdi.
Pol Peskal bilen Denzel Waşingtonyň baş keşpleri ýerine ýetirmeginde Ridli Skottuň taryhy filmi dekabr aýynyň ahyrynda sanly platformalarda elýeterli boldy.
Ikinji orunda “Ad Vitam” fransuz uruşly filmi, üçünji orunda Kemeron Dias we Jeými Foks bilen “Ýene hereketde” (Снова в деле) ýerleşdi.
Şeýle-de, iň köp ýüklenen filmleriň bäşligine “Hakyky agyry” (Настоящая боль) we “Wagt ýalňyşlygy. Multiälem” (Ошибка времени. Мультивселенная) girdi. Sanawyň yzyny “Nosferatu” (Носферату), “Kreýwen awçy” (Крейвен-охотник) we “Missiýa: Gyzyl” (Миссия: Красный) ýaly filmler dowam etdirýär.
TorrentFreak neşiriniň maglumatlaryna görä, 2024-nji ýylda resmi däl saýtlar tarapyndan ýüklenen iň meşhur serial “Tagtlaryň oýnunyň” (Игра престолов) prikweli – “Aždarhanyň öýi” (Дом дракона) boldy.
Ikinji orny “Ýigitler” (Пацаны), üçünji orny “Sýogun” (Сегун) eýeledi. Ilkinji onluga “Pingwin” (Пингвин), “Fallout”, “Riçer” (Ричер), “Bukalga” (Укрытие), “Dýuna: Welilik” (Дюна: Пророчество) we “Halo” seriallary-da girdi.
