“Red Bull-yň" 27 ýaşly niderlandly sürüjisi Maks Werstappen iň gowy halkara ýaryş sürüjisi diýlip ykrar edildi. Ol bu bavraga yzygider ikinji ýyl eve bolýar, niderlandly türgeniň hasabynda şunuň ýaly baýraklaryň eýýäm dördüsi bar.
Şeýle hem Werstappen San-Pauloda (Braziliýa) geçen ýagyşly Gran-Pride gazanan ýeňşi üçin “Ýylyň iň gowy pursady” nominasiýasynda baýrak aldy. Şol ýaryşda ol 17-nji orundan badalga alyp, ýaryşda ýeňiji boldy.
“Ýyl diýseň çylşyrymly boldy, onda owadan ýeňişler bolşy ýaly, kyn pursatlar hem boldy. Ýöne, elbetde, iň möhüm zat birinji orna çykmakdy. Biz topar bolup munuň hötdesinden geldik. Hawa, men juda buýsanýan we baýrak üçin ýene-de bir gezek sag bolsun aýdýaryn "- diýip, Autosport Formula-1-iň dört gezek çempionynyň sözlerini getirýär.
Ýylyň iň gowy iňlis sürüjisi diýlip “Maklareniň” 25 ýaşly sürüjisi Lando Norris ykrar edildi.
“Maklaren” MCL38 ýylyň iň gowy ýaryş awtoulagy diýlip yglan edildi. Bu awtoulaglary sürýän Lando Norris we Oskar Piastri geçen möwsüm öz toparyna Konstruktorlar çempionatynda 1998-nji ýyldan bäri ilkinji ýeňşi getirdi.
“Maklareniň” ýolbaşçysy Andrea Stella hem ýörite baýrak aldy. Neşir oňa "Ýylyň şahsyýeti" adyny berdi.
