32 ýaşly braziliýaly hüjümçi Neýmar özüniň terbiýelenen “Santos” klubuna gaýdyp barýar. Futbolçy şertnama baglaşandygy barada sosial ulgamlarda habar berdi.
“Oglanlar, göýä geçmişe dolanýan ýaly duýgyny başdan geçirýän. Bu ýerde men dostlarym, maşgalam bilen duşuşýan” – diýip, futbolçy aýtdy.
“Santos” Braziliýanyň San-Paulu ştatynyň adybir şäheriniň klubudyr. Neýmar bu ýerde “Barselona” geçmezden ozal 2009-njy ýyldan 2013-nji ýyl aralygynda uly toparyň düzüminde çykyş etdi. Bu döwürde ol ähli ýaryşlarda 225 oýna gatnaşyp, 136 gol we 64 assist bilen tapawutlandy.
Transfermarkt portalynyň maglumatlaryna görä, Neýmaryň bazar bahasy häzir 15 mln ýewro barabar.
Mundan öň “Al-Hilýal” ikitaraplaýyn ylalaşyk esasynda hüjümçi bilen şertnamanyň ýatyrylandygyny resmi taýdan habar berdi. Braziliýaly saud toparynda 2023-nji ýylyň awgustyndan bäri çykyş etdi, ýöne yzly-yzyna alnan şikes sebäpli “Al-Hilýalyň” düzüminde meýdança bary-ýogy ýedi oýunda çykdy. Ol bir gol geçirdi we üç assist etdi.
