19 ýaşly ýaponiýaly snoubordçy Hiroto Ogiwara dünýäde ilkinji bolup 2340 gradus (6,5 öwrüm) aýlawly böküşi amala aşyrdy. ABŞ-nyň Aspen şäherinde geçirilen X Games ýaryşynda big-eýr dissiplinasynda dünýä rekordyny goýup, altyn medal gazandy. Netije 97,33 bal boldy diýip, Redbull habar berýär.
Türgen ýaponiýaly öňki çempion Taýga Hasegawany we täze zelandiýaly ýetginjek Rokko Jeýmisony ýeňdi.
“Men hiç wagt şeýle bagtly bolup görmändim. Bu hakykatdanam beýik pursat boldy. Özümde bar bolan güýç-kuwwatyň soňky damjasyna çenli ulanan ýaly boldum" -diýip, Ogiwara üstünligine teswir berdi.
Bu ýapon türgeniniň birinji rekordy däl. Ondan öň ol dünýäde bäş sany dik we alty sany kese öwrümli böküşi öz içine alýan BS Quint Cork 2160 böküşini amala aşyran ilkinji adam boldy. 2021-nji we 2022-nji ýyllarda türgen Ýaponiýanyň ýetginjekler çempionatynda we bu sporta täze gelen türgenleriň arasynda dünýä çempionatynyň finalynda ýeňiji bolupdy.
