ABŞ-nyň Barrett-Jackson auksionynda Chevrolet Corvette ZR1 superkarynyň ilkinji nusgasy satyldy. Seriýa belgisi VIN-001 bolan bu awtoulagy amerikaly işewür we kolleksioner Rik Hendrik 3,7 million dollara satyn aldy diýip, Carscoops habar berýär.
Şol bir wagtda, adaty Corvette ZR1 modelleri resmi taýdan 175 müň dollardan satylýar. Diýmek, satylan nusga köpçülikleýin öndürilen görnüşlerinden 21 esse has gymmada düşüpdir.
Hendrik bu ulag üçin hatda 2020-nji ýyllaryň başynda takmynan 3 million dollara düşen Bugatti Chiron giperkaryndan hem köpräk pul töledi.
Ilkinji Corvette ZR1-iň kuzowy ýalpyldawuk gara reňkde bolup, ol gök zolaklar we uglerod süýüminden edilen bezegler bilen bezelipdir. Onuň dizaýny gök reňkli teker diskleri bilen jemlenýär.
Chevrolet bu modeli geçen ýylyň iýul aýynda tanyşdyrdy, dekabr aýynda bolsa onuň häsiýetnamalaryny mälim etdi. Superkar 1064 at güýji bolan, gibrid tehnologiýasyz V8 hereketlendiriji bilen üpjün edilip, 96 km/s tizlige bary-ýogy 2,3 sekuntda ýetýär.
Şeýle-de bu auksiondan alnan girdejiniň ABŞ-nyň Gyzyl Haç jemgyýetine geçiriljekdigi bellenilip geçildi.
