29-njy ýanwarda Türkmenistanyň Bilim ministrliginde Amerikanyň Birleşen Ştatlarynyň Türkmenistandaky ilçisi Elizabet Rud bilen duşuşyk geçirildi. Duşuşykda taraplar bilim ulgamynda türkmen-amerikan hyzmatdaşlygyny pugtalandyrmak meseleleri boýunça pikir alyşdylar diýip, ministrlikde habar berdiler.
Şeýle hem taraplar iki ýurduň bilim edaralarynyň arasynda okuw maksatnamalaryny ösdürmek, mugallymlaryň hünär derejesini ýokarlandyrmak we bilim hyzmatdaşlygyny giňeltmek ugrunda amala aşyrylýan tagallalary dowam etdirmegiň ähmiýeti barada gürrüň etdiler.
ABŞ-nyň ilçisi hanym Rud bilim başlangyçlaryny goldamaga taýýardygyny we täze okuw usullaryny ornaşdyrmak, iňlis dilini okatmagyň usulyýetini ösdürmek hem-de talyplar we mugallymlar üçin täze mümkinçilikleri döretmek maksady bilen hyzmatdaşlygy has-da giňeltmegiň ähmiýetlidigini belledi.
Taraplar bilim ulgamynda ikitaraplaýyn hyzmatdaşlygy berkitmek hem-de hyzmatdaşlygyň gerimini giňeltmek boýunça özara gyzyklanmalaryny tassykladylar, bu bolsa adam maýasyny ösdürmäge we iki ýurduň arasyndaky akademiki gatnaşyklary çuňlaşdyrmaga hyzmat etjekdigi nygtaldy.
