Disney-iň «Moana 2» multifilmi resmi ýagdaýda akym platformalarynda elýeterli boldy diýip, People neşiri habar berýär.
Taslama dünýä boýunça prokatda 1,026 milliard dollar girdeji gazandy.
Filmiň mazmuny polineziýaly şa gyzy Moananyň täze başdan geçirmelerini gürrüň berýär. Baş keşpleri Aulii Krawalo we Dueýn Jonson seslendirdi.
Film tankytçylaryň dürli-dürli garaýyşlaryna garamazdan uly meşhurlyga eýe boldy: Rotten Tomatoes sahypasynda reýtingi 62% boldy, Metacritic-de bolsa 100 baldan 58 bal gazandy.
Ýatlatsak, Disney häzirki wagtda asyl «Moana» multifilminiň hakyky surata düşürilen görnüşiniň (remeýkiniň) üstünde işleýär. Kinofilmde Mauiniň keşbini ýene-de Dueýn Jonson janlandyrar. Ýöne Moananyň keşbini başga aktrisa – 17 ýaşly awstraliýaly Ketrin Laga’aýýa ýerine ýetirer. Bu bolsa onuň uly göwrümli kinofilmlerdäki ilkinji keşbi bolar.
