Şweýsariýada «kwant hüjümlerinden goranyp bilýän ilkinji enjam» tanyşdyryldy

  • 30.01.2025 13:56
  • 3.2k+

Şweýsariýanyň SEALSQ kompaniýasy häzirki zaman we geljekdäki kwant kompýuterleriniň hüjümlerinden maglumatlary gorap biljek, ýarym-kwant kriptografiýa arkaly döredilen platformanyň işlenip taýýarlanandygyny mälim etdi diýip, Interesting Engineering neşiri habar berýär.

Işläp düzüjileriň aýtmagyna görä, SEALSQ kompaniýasynyň döreden QS7001 atly platformasy KYBER we DILITHIUM algoritmlerini ulanýar. Bu algoritmler, geljekde kwant kompýuterleriniň ulanylmagy bilen bolup biljek hüjümlere garşy durup bilýän ygtybarly şifrlemäni üpjün edýär.
Bar bolan howpsuzlyk ulgamlaryndan, şol sanda giňden ulanylýan RSA we elliptiki kriptografiýa algoritmlerinden tapawutlylykda, täze tehnologiýa kwant hasaplamalarynyň howplaryny göz öňünde tutup döredildi. Häzirki wagtda ulanylýan şifrleýiş usullary kwant kompýuterleriniň güýçli mümkinçilikleriniň öňünde ejiz bolup biler, bu bolsa gizlin maglumatlara we maliýe amallaryna howp döredip biler.
Işläp düzüjiler platformanyň FIPS we Common Criteria ýaly berk howpsuzlyk standartlaryna laýyk gelýändigini, şeýle-de adaty goragly mikrokontrollerlere garanyňda ýokary energiýa tygşytlaýandygyny belleýärler. Bu çözgüt köp taraplaýyn ulanylyp bilner – emeli aň (AI) ulgamlarynda, blokçeýn tehnologiýasynda we zatlaryň internedinde (IoT).
SEALSQ kompaniýasy enjamlaýyn howpsuzlyk bazarynda öňdebaryjy orny eýelemegi maksat edinýär. Emma bilermenler bu tehnologiýanyň giňden ulanylmagyna ýarymgeçiriji senagatyň ägirtleriniň konserwatiw garaýyşlarynyň we ýokary çykdajylaryň päsgel berip biljekdigini belleýärler.


26.08.2025 13:37
9.2k+

Müsürde suwdan gadymy Kanopus şäheriniň bölekleri çykaryldy

Müsür häkimiýetleri Aleksandriýanyň golaýynda Abu-Kir aýlagynda ýerleşen suwa giden gadymy şäheriň böleklerini gury ýere çykardy diýip, The Guardian habar berýär. Bu Müsüri tas 300 ýyl dolandyran Ptolemeý nesilşalygynyň dolandyran we 600 ýyl töweregi ýurdy dolandyran Rim imperiýasynyň döwründe möhüm merkeze öwrülen Kanopus şäheri hasaplanýar...

26.08.2025 13:26
4.9k+

Paleontologlar dinozawrlaryň ýelken şekilli arkasy bolan täze görnüşini açdy

Paleontologlar dinozawrlaryň ýelken şekilli arkasy bolan täze görnüşini açdy. Istiorachis macarthurae adyny alan bu jandarlar 120 mln ýyldan gowrak ozal Angliýanyň günorta kenaryndan uzak bolmadyk ýerde ýaşapdyr diýip, Londondaky Tebigy taryh muzeýine salgylanyp, CNN habar berýär...

25.08.2025 13:04
3.1k+

Awstraliýada adam derisine has ýakyn deri nusgalary ösdürilip ýetişdirildi

Kwinslend uniwersitetiniň ýanyndaky Freýzer institutynyň barlaghanasyndan awstraliýaly alymlar ilkinji gezek doly derejede adam derisiniň gurluşyny gaýtalaýan deri nusgalaryny ösdürip ýetişdirdi. Bu barada ABC ýaýlym korporasiýasy habar berdi...

23.08.2025 12:32
5.6k+

Alymlar žiraflary dört görnüşe böldi

Halkara tebigaty goramak birleşigi (IUCN) žiraflary resmi taýdan dört görnüşe böldi. Ozal olaryň hemmesi bir görnüş diýlip hasaplanýardy diýip, Bi-bi-si belleýär. Indi ylym şu aşakdakylary tapawutlandyrýar: Demirgazyk...