Jeki Çanyň gatnaşmagynda The Shadow’s Edge (“Kölegäniň çeti”) filmini surata düşürmek işleri tamamlandy. 70 ýaşly gonkongly aktýor täze filmde pensioner hünärmeniň roluny ýerine ýetirdi, ol ogrularyň toparyny tutmak üçin adaty derňew usullaryny ulanýar.
Deadline neşiriniň materialynda aýdylyşy ýaly, ýaş detektiwler topary jenaýatçylardan baş çykaryp bilmeýär we kömege Çanyň gahrymany gelýär. Film gözlemegiň “köne mekdebi” bilen sanly innowasiýalaryň arasyndaky gapma-garşylygy görkezýär.
Bu Çan bilen hytaýly režissýor Larri Ýanyň ikinji bilelikdäki işidir. Mundan öň olar “Kung-fu bedew” (Кунг-фу жеребец) komediýasynyň (2023) üstünde işleşdi. Täze film Hytaýyň günortasyndaky Makaoda surata düşürildi.
Ýaşyna garamazdan, Çan žanryň muşdaklary üçin görelde bolup galýar. Režissýorlar onuň söweş ussatlygyna, çylşyrymly hereketlerine we komediýa zehinine bil baglaýar.
Ýatlap geçsek, Jeki Çan – dünýäde iň tanymal aziýaly aktýorlaryň biri. Ol 150-den gowrak filmde surata düşdi.
