Özbegistanyň paýtagtynda Türki döwletleriň halkara uniwersiteti dörediler. Degişli permana Özbegistanyň Prezidenti Şawkat Mirziýoýew gol çekdi diýip, “Norma” portaly habar berýär.
Daşkentde täze ýokary okuw mekdebi türki dünýäsiniň ýurtlarynyň arasyndaky gatnaşyklary berkitmäge ýardam eder we inženerlik, gurluşyk, logistika, IT, lukmançylyk, oba hojalygy, azyk senagaty, ykdysadyýet we sosial ylymlar ýaly möhüm ugurlarda hünärmenleri taýýarlar.
Bilim maksatnamalary daşary ýurtlaryň ýokary okuw mekdepleri, şol sanda Türkiýäniň abraýly uniwersitetleri bilen bilelikde işlenip taýýarlanar.
Ýokary okuw mekdebi bilelikdäki ylmy gözlegleri geçirer we halkara bilim hem ylmy guramalar bilen hyzmatdaşlygy ýola goýar. Talyplar akademiki işjeňlik maksatnamalaryna gatnaşyp biler.
Uniwersiteti esaslandyryjylar Özbegistanyň Respublikan ýokary bilim geňeşi we Türkiýäniň Ýokary bilim geňeşi bolar. Okuw dünýä reýtingleriniň top-1000-ine girýän türk ýokary okuw mekdepleriniň maksatnamalary esasynda 2025/2026-njy okuw ýylynda başlar.
Bilim tölegli-şertnama esasynda gurnalar. Kabul ediş ölçeglerini we okuwyň bahasyny uniwersitetiň özi kesgitlär. Ýokary okuw mekdebini ýörite döredilen geňeş dolandyrar.
