Tebigat hem ýolsuz ýerler üçin niýetlenen off-road modifikasiýalary bilen meşhur bolan Arctic Trucks ussahanasy Toyota Land Cruiser Prado (LC 250) üçin täze týuning-kit işläp taýýarlady. Täzelik barada Motor1 neşiri habar berdi.
AT37 taslamasy R53 Suspension hünärmenleriniň gatnaşmagynda işlenip taýýarlanyldy we 2025-nji ýylyň ikinji çärýeginde önümçilige giriziler. Bu «kämilleşdirilen» ulagy käbir ýurtlarda resmi Toyota dilerleriniň (şahamçalarynyň) üsti bilen satyn alyp bolar.
Esasy üýtgeşmeler asma ulgamyna degişli boldy. Ýolsuz ýerler üçin niýetlenen ulaga ýeke turbaly amortizatorlar, gidrawlik togtadyjylary bolan täze ýaýlar we 17 dýuýmlyk guýma disklere 37 dýuýmlyk BFGoodrich tigirler ýerleşdirildi. Munuň netijesinde ulagyň ýerden beýikligi 40 mm (jemi 261 mm) galdy. Şeýle hem ulagyň tigirleriniň aralyklarynyň giňeldilendigi we teker bazasynyň uzaldylandygy habar berilýär.
Daşky görnüşi boýunça Prado AT37 üýtgedilen bamperleri, teker arkalarynyň giňeldijileri we 10 sany elementden ybarat täze kuzow toplumy bilen tapawutlanýar.
Salony bolsa, kämilleşdirilen interýer we täze transmissiýa selektory bilen tapawutlanýar.
Modifikasiýalaryň bahasy barada maglumatlar häzirlikçe elýeterli däl.
