ABŞ-nyň milli ýygyndysynyň goragçysy Naomi Girmanyň “Çelsi” klubuna geçmegi zenan futbolynda rekord goýdy. Naomi bu kluba “San-Diegodan” 1,1 mln dollara geçdi we bu zenan futbolynyň taryhynda iň gymmat transfer boldy.
Şertnama “Beý FK” klubunyň hüjümçi Reýçel Kundananjini satyn almagy bilen goýan öňki dünýä rekordyny täzeledi. Klub şonda şertnama üçin 767 müň dollar sarp edipdi. Bu zenan futbolynda türgeniň transfer bahasynyň 1 mln dollardan ilkinji gezek geçmegidir.
ESPN-iň habar bermegine görä, 24 ýaşly amerikaly futbolça “Arsenal” we “Lion” hem gyzyklanma bildirdi, soňkusy hem “Çelsi” bilen deň mukdary teklip etdi. Ýöne merkezi goragçy London klubuna geçmegi makul bildi.
