Internetde täze nesil Toyota RAV4 Hybrid awtoulagynyň suraty peýda boldy. GAC-Toyota bilelikdäki kärhanasynyň maslahatynyň dowamynda düşürilen surat Weibo hytaý platformasynda ýerleşdirildi.
Awtomobiliň dizaýny öň gizlin düşürilen suratlary hödürlän BestCar ýapon neşiriniň renderleri bilen gabat gelýär.
Täzelenen RAV4 balary öýjükleriniň stilindäki radiator gözenegine, burçly gapdal çyzyklara, täze ýeňil erginden ýasalan disklere hem-de Camry we C-HR modelleri bilen meňzeş LED yşyklandyryşyna eýe boldy.
Krossower täzelenen TNGA-K platformasynyň netijesinde gibrid, plagin-gibrid we elektrik wersiýalarda elýeterli bolar. Ýaponiýa we Awstraliýa ýaly käbir ýurtlarda benzin görnüşleri doly aýrylar.
Şol bir wagtyň özünde, Hytaýda çykarylan wersiýa global wersiýadan tapawutlanyp biler.
Täze awtoulagyň 2026-njy ýylyň ahyrynda hödürlenmegine garaşylýar.
