Apple-iň baş direktory Tim Kuk “Bölüniş” teleserialynyň ikinji möwsüminiň mahabatynyň baş gahrymany boldy. Taslamanyň direktory Ben Stiller wideony sosial ulgamda paýlaşdy.
"Şu gün irden täze ýigide ofisini tapmaga kömek etdim" – diýip, Stiller wideonyň çap edilmegine teswir berdi.
Bir ýarym minutlyk wideoda baş gahryman Mark Stautyň Lumon Industries korporasiýasynyň ofisine gelşi we “geçiş effekti” görkezilýär. Kuk dälizde gezmeläp, öz ofisini gözleýär, oňa gözegçi Set Milçik garaşýar.
"Bölüniş" serialynyň birinji möwsümi gaty şowly boldy we Apple TV +-a 200 million dollar getirdi.
Görkezişiň ikinji möwsümi 17-nji ýanwarda ýaýlyma berlip başlandy. Her hepde täze bölümleri çykýar.
