2024-nji ýylda ýeňil we ýeňil täjirçilik awtoulaglarynyň global satuwy 88 637 460 birlige ýetdi. Bu 2023-nji ýyl bilen deňeşdirilende, 2,1% köpdür diýip, GlobalData habar berýär.
Dünýäde satuw boýunça öňdebaryjy Hytaý bolup, 2024-nji ýylda bu ýerde 25,5 mln awtomobil satyldy. Görkeziji ondan öňki ýyl bilen deňeşdirilende 1,1% ýokarydyr. ABŞ-da satuw 15,95 mln awtoulag boldy we bu hem 2023-nji ýylyň görkezijisinden 2,6% artyk gelýär.
Günbatar Ýewropa ýurtlarynyň awtoulag bazarlary ýylyň jemi boýunça 0,9% ösüş görkezip, 13,4 mln satylan awtomobil görkezijisine ýetdi. Şol bir wagtyň özünde, Gündogar Ýewropa ýurtlary uly ösüş görkezdi – 15,3%, 4,5 mln awtomobile çenli.
Günorta Amerikada hem awtomobil satuwy oňyn dinamikany görkezdi. Satuw 10,4% ýokarlanyp, 2 873 235 awtomobile ýetdi.
Dünýäniň beýleki uly awtobazarlarynyň arasynda Ýaponiýany (4 383 959 birlik; -7,6%), Kanadany (1 809 594 birlik; +7%) we Günorta Koreýany (1 598 394 birlik; -6,7%) bellemek bolar.
