Saud Arabystany tanymal nemes kinokompozitory Hans Zimmere döwlet senasynyň täze wersiýasynyň üstünde işlemegi tabşyrdy. Bu barada Saud Arabystanynyň Baş güýmenjeler müdirliginiň başlygy Turki Alalşihe salgylanýan The Guardian habar berýär.
Alalşih X-da: "Biz ýakyn günlerde dünýä çykar diýip umyt edýän geljekki taslamalarymyz.., şol sanda saud döwlet senasynyň dürli saz gurallaryna salynjakdygy barada köp gürrüň edipdik” diýip ýazdy.
Saud Arabystanynyň döwlet gimni “Aş al-Malik” (“Ýaşasyn, Patyşa!”) 1947-nji ýylda şa Abdulaziziň haýyşy boýunça müsürli kompozitor Abdul Rahman al-Hatib döredildi.
“Şa Ýolbars”, “Dýuna” we “Gara rysar” filmlerine ýazan saundtrekleri bilen tanalýan Zimmer taslamanyň “umumy deslapky nusgalaryny” taýýarlamaga razy boldy.
Resmi çeşmäniň sözlerine görä, gepleşiklerde “Arabystan” atly mýuzikliň döredilmegi, şeýle hem ýakyn wagtda çykjak “Ýarmuk söweşi” filminiň konserti we saundtreki barada hem aýdyldy.
"Biz bu taslamalaryň umumy meýilnamalary barada ylalaşdyk we olar barada gutarnykly ylalaşyga geleris diýip umyt edýärin" – diýip, Alalşih sözüniň üstüni ýetirdi .
