Microsoft korporasiýasy Xbox Developer Direct 2025 çäresinde, şu ýylyň birinji ýarymynda çykjak oýunlar bilen has ýakyndan tanyşmaga mümkinçilik berdi diýip, The Verge habar berýär.
Xbox, çärede tanyşdyrylan oýunlaryň ählisiniň ýakyn wagtda Xbox Game Pass-e geljekdigini mälim etdi.
Ynha, Microsoft-yň «Xbox & Bethesda Developer Direct January 2025» çäresinde tanyşdyran ähli oýunlary:
Ninja Gaiden 4:
Eger Platinum Games studiýasynyň soňky döwürde nämäniň üstünde işländigini bilesiňiz gelýän bolsa, ynha jogaby. Team Ninja bilen bilelikde işlenip düzülen Ninja Gaiden 4 oýnunyň şu ýylyň güýz möwsüminde Xbox Series X/S, PC we PS5 we Game Pass platformalaryna gelmegine garaşylýar.
Ninja Gaiden 2 Black:
Şeýle-de Team Ninja, meşhur Ninja Gaiden 2 oýnunyň täzelenen görnüşini hödürledi. Ilkinji gezek 2008-nji ýylda çykarylan Ninja Gaiden Black oýny, Unreal Engine 5 oýun motor arkaly gaýtadan işlenip düzüldi. Oýun şu günden başlap konsollarda, PC-de we Game Pass-da elýeterlidir.
South of Midnight:
Compulsion Games studiýasy tarapyndan işlenip düzülen South of Midnight oýnundan geýmpleý görkezildi. Köpleri gyzyklandyrýan oýun 8-nji aprelde Xbox Series X/S we PC platformalary üçin elýeterli bolar.
Clair Obscur: Expedition 33:
Sandfall Interactive tarapyndan işlenip düzülen bu basgançaklaýyn RPG oýnunda, XIX asyryň ahyryndaky Belle Époque döwrüniň täsin Fransiýasy barada gürrüň berilýär. Clair Obscur: Expedition 33 oýny 24-nji aprelde Xbox Series X/S, PS5, PC we Game Pass platformalary üçin elýeterli bolar.
Doom: The Dark Ages:
Id Software studiýasy ýa-da Doom: The Dark Ages barada uzak wagtdan bäri ses-seda ýokdy, emma indi olar has güýçli ýagdaýda yzyna dolanyp gelýärler. Id Software studiýasy täze oýnuny «häzirki wagta çenli iň jedelli» oýunlaryň biri diýip atlandyrýar. Doom: The Dark Ages 15-nji maýda Xbox Series X/S, PS5, PC we Game Pass platformalary üçin elýeterli bolar.
